Próf í íslensku fyrir umsækjendur um íslenskan ríkisborgararétt

Próf í íslensku fyrir umsækjendur um íslenskan ríkisborgararétt verður haldið tvisvar á ári, að vori og hausti. Prófið miðast við lokamarkmið í grunnnámi í íslensku fyrir útlendinga (240 stundir), samkvæmt námskrá menntamálaráðuneytisins. Markmiðin eru eftirfarandi:

Umsækjandi þarf því:

að geta bjargað sér við daglegar aðstæður í skóla, vinnu og einkalífi;
að geta bjargað sér við óvæntar aðstæður
að hafa öðlast nægilegt vald á orðaforða til að geta tekið þátt í umræðum um kunnugleg málefni
að geta skilið einfaldar samræður milli manna;
að geta lesið stutta texta á einföldu máli um kunnugleg efni
að geta skrifað stuttan texta á einföldu máli um kunnugleg efni
að geta greint aðalatriði í ljósvakamiðlum, sjónvarpi og útvarpi, þegar um kunnugleg efni er að ræða.

Í prófunum skal reynt á tal, hlustunarskilning, ritun og lesskilning.
Ekki verður gefin einkunn, heldur aðeins tilkynnt hvort próftaki hafi staðist lágmarkskröfur.

Fyrstu prófin verða 30. nóv. 2009 klukkan 8.15 og 13.15 og verður prófað í þeirri viku.
Próftaki getur valið prófdag og tíma.
Prófið er skriflegt og munnlegt.
Skriflega prófið tekur um eina klukkustund.
Eftir skriflega prófið fá próftakar tíma í munnlega prófið sama dag. Munnlega prófið tekur allt að 15 mínútum.
Sýnishorn af prófverkefnum eru hér
Prófað verður í Reykjavík og verður staður auglýstur síðar. Ef næg þátttaka fæst þá verður einnig boðið upp á próf á Akureyri, Egilsstöðum og Ísafirði

Próftakar þurfa að skrá sig í síðasta lagi 10. nóvember og greiða próftökugjaldið inn á reikning Námsmatsstofnunar tveimur vikum fyrir prófdag.
Próftökugjald er kr. 7000

Kennitala Námsmatsstofnunar er 550584-0429
og bankareikningsnúmerið er 326-13-5510

Þegar greitt er þarf að koma fram nafn og kennitala próftaka.
Ef greiðandi er annar en próftaki þurfa þessar upplýsingar að koma fram í skýringu með greiðslunni.